ޔަހޫދީން

ތާރީޚުގެތެރެއިން ޔަހޫދީން

ޔަހޫދީންނަކީ ކޮން ބައެއް؟

ޔަހޫދީންނަކީ ﷲ ގެ ނަބިއްޔާ ޔަޢްޤޫބު عليه السلام ގެ ނަސްލުން އައިސްފައިވާ ބައެކެވެ. އެހެނަސް އެބައިމީހުންވަނީ، އެބައިމީހުންގެ ރަސޫލުބޭކަލުން ގެންނެވި ސަމާވީ ދީން ބަދަލުކޮށް، އެބޭކަލުންގެ ހިދާޔަތުން އެއްކިބާވެގެންފައެވެ. ފުރެދުންތެރިކަމުގައި ޙައްދުފަހަނައަޅާފައިވާ، ޔަހޫދީންނަކީ މިއަދާ ހަމަޔަށް ދުނިޔެ ދެކެފައިނުވާވަރުގެ ނޭއްގާނީ ބައެކެވެ. މަކަރާއި ޙީލަތުން ފުރިގެންވާ ބައެކެވެ. ވަޢުދާ ޚިލާފުވުމުގައި އެވަރެއް ނެތް ޣަދަރުވެރި، ނުކިޔަމަންތެރިކަމާއި ދެކޮޅުހެދުމުގައި ލާމަޘީލު ބައެއްކަމަށް ތާރީޚް ހެކިދެއެވެ. އެބައިމީހުން ސީދާ މަގަށް އެޅުއްވުމަށް ޓަކައި ގިނަގުނަ ނަބީބޭކަލުންނެއް އެމީހުންގެ ގާތަށް ﷲ ފޮނުއްވިކަންވެސް ތާރީޚުން އެނގެއެވެ. ނަމަވެސް އެބައިމީހުންވަނީ އެބޭކަލުންނަށް ގިނަގުނަ އުނދަގޫތަކާއި ދުއްތުރާތައް ކޮށް، އޭގެ ތެރެއިން ބައެއްބޭކަލުން ޤަތުލުވެސް ކޮށްފައެވެ. އަދި އޭގެ ތެރެއިން ބައެއްބޭކަލުން ބަދުނާމު ކުރުމުގެ ގޮތުން ބުހުތާނު އެތައް ދޮގެއް ހަދައި، އެބޭކަލުންގެ އިސްތަށިފުޅުގައި އިލްޒާމުތަކެއް އަޅުވާފައިވެސް ވެއެވެ. އެބައިމީހުންގެ ފޮތްތަކުގައިވެސް މިވާހަކަތައް ލިޔެވިފައި އެބަހުއްޓެވެ. މީގެ ގިނަވާހަކަތަކަކީ ދުލަކުން ޤަލަމަކަން ފާޅުކުރަން ހެޔޮނުވާ ވަރުގެ ނުބައި ވާހަކަތަކެވެ.

އެހެންމީހުންނާމެދު ޔަހޫދީން ދެކޭގޮތް:

އިންސާނީ ނަސްލުން އައިސްފައިވާ ބަޔަކަށްވިއަސް، ޔަހޫދީންނަކީ އެހެން މީހުންނާ ގާތްގުޅުމެއް ބަހައްޓައިގެން އުޅޭ ބައެއް ނޫނެވެ. އެބައިމީހުން ދެކޭގޮތުގައި އެހެން ނަސްލުތަކަށްވުރެ އެބައިމީހުންނަކީ މާތްކަމަކާއި މަތިވެރިކަމެއް ލިބިގެންވާ ބައެކެވެ. ޔަހޫދީން ދެކޭގޮތުގައި، އެބައިމީހުންނަކީ މާތް ﷲ ހޮއްވަވާ މާތްކުރައްވާފައިވާ ބައެކެވެ. އެކަލާނގެ ލޯބިވޮޑިގެންވާ، އެކަލާނގެއަށް ޚާއްޞަކުރެވިގެންވާ ބައެކެވެ! (ނޫރުލް އިސްލާމް)

ޔަހޫދީން ވާނީ ހަމަ ޔަހޫދީންނަށް

އިސްލާމް ދީން ފާޅުވީއްސުރެ މުސްލިމުންނަށް ކުރިމަތިވެފައިވާ އެންމެ ބޮޑު ދުއްތުރާލަކީ ޔަހޫދީންނެވެ. އިސްލާމީ ދައުލަތް އުފެދުނު ހިނދު، ކުރިމަތިވި އެންމެ ބޮޑު އުނދަގުލަކަށްވީ މަދީނާގައި އޭރު ތިބި ޔަހޫދީންނެވެ. މި ޔަހޫދީންނަކީ ރޯމަނުންގެ ދައުލަތުގައި ފަސާދަ އުފައްދަމުން ދަނިކޮށް ރޯމަނުން ހަނގުރާމަކޮށް ފައްސާލުމުން ހިޖާޒްކަރައަށް އައިސް ވަޒަންވެރިވި މީހުންނެވެ. އޭގެ ތެރޭގައި ބަނީ ޤައިނުޤާޢު ވަންހައިގެ ޔަހޫދީންނާއި ބަނުއްނަޟީރު ވަންހައިގެ ޔަހޫދީންނާއި ބަނޫޤުރައިޡާ ވަންހައިގެ މީހުންނާއި ޚައިބަރުގެ ޔަހޫދީން ހިމެނެ އެވެ. އޭރު ވެސް އެ ޔަހޫދީން، އެހެން ދީންތަކުގެ މީހުންނާ މެދު އަމަލުކުރަމުން އައީ ޔަހޫދީންގެ ކާބަފައިން އަމަލުކުރަމުން އައި ގޮތަށެވެ.

އިސްލާމީ ދައުލަތް އުފެދުނު އިރު، މަދީނާގެ މުޖްތަމައުގައި ހިނގި ހުރިހާ ނުބައި ކަމެއްގެ އަޑީގައި ތިބީ ޔަހޫދީންކަން ތާރީޚުން ސާބިތުވެއެވެ. މަދީނާގެ ދޭދޭ ގަބީލާތައް ޖައްސައި ގަބީލާތަކުގެ މެދުގައި ހަނގުރާމަކުރުމަށް ހަތިޔާރު ފޯރުކޮށްދެނީ ޔަހޫދީންނެވެ. ސަލާމާއި ސަލަވާތް ލެއްވި ކީރިތި ރަސޫލާ މަދީނާގެ ޔަހޫދީންނާ އެކު އިޖްތިމާއީ، ސަލާމަތީ އެއްބަސްވުމެއް ގާއިމުކުރި ހިނދު، އެ އެއްބަސްވުމަށް ވެސް ޔަހޫދީން ވެފައިވަނީ ޚިޔާނާތެވެ. އެބައިމީހުންނަކީ އެމީހުންގެ ޠަބީޢަތުގައި ވެސް މަކަރާއި ޙީލަތާއި އޮޅުވައިލުން އަށަގެންފައިވާ ބައެކެވެ. ފަހުގެ ތާރީޚަށް ބަލާއިރު، އަރަބި-އިސްލާމީ ގައުމުތަކާ އެކު ޔަހޫދީ ދައުލަތުން ވެފައިވާ އެއްބަސްވުންތަކާ މެދު އަމަލުކުރަމުން އަންނަ ގޮތުން ވެސް އެކަން ދޭހަވެ އެވެ.

ފަލަސްތީނުގެ ބިމުގައި 1948 ވަނަ އަހަރު އިޒްރޭލު ގާއިމުކުރި ދުވަހުން ފެށިގެން، މިއަދާ ހަމައަށް ވެސް އެ ސަރަހައްދުގެ މުސްލިމުންނަށް ވަނީ ޔަހޫދީންގެ ދުއްތުރާތަކުން ސަލާމަތްނުވެވިފަ އެވެ.

އިޒްރޭލާ އެކު އަރަބީން ވެފައިވާ ސުލްހައިގެ އެއްބަސްވުންތަކަށް ބެލިކަމުގައި ވިޔަސް ފެންނަނީ ޔަހޫދީންގެ ހީލަތާއި މަކަރެވެ. އަރަބި ތިން ގައުމަކާ (މިސްރު، ފަލަސްތީން، ޖޯޑްން) އެކު އިޒްރޭލުން ސުލްހައިގެ މުއާހަދާތަކުގައި ސޮއިކޮށްފައި ވިޔަސް، މިހާތަނަށް އިޒްރޭލުން އަމަލުކޮށްފައިވަނީ އިޒްރޭލުގެ މަސްލަހަތު ހުރި ކަންތަކަށް އެކަންޏެވެ.

އެކަން ވާނީ ވެސް އެހެންނެވެ. ޔަހޫދީންނަކީ، މުސްލިމުންނާ މެދު އަދާވާތްތެރިކަން އެންމެ ބޮޑު މީހުންނެވެ. އަދި އެބައިމީހުންގެ މިއްލަތާ މުސްލިމުން ރުހި ތަބާވެއްޖައުމަށް ދާންދެން، ޔަހޫދީން މުސްލިމުންނާ މެދު ނުރުހޭނެ ކަން ކީރިތި ގުރްއާނުގައި ﷲ ސުބްހާނަހޫ ވަތަޢާލާ ވަނީ އަންގަވައިފައެވެ. އެހެންކަމުން ޔަހޫދީންނާ އެކު ކޮންމެ ބަޔަކު ސުލްހައިގެ އެއްބަސްވުމެއް ގާއިމުކުރި ކަމުގައި ވިޔަސް، އެ އެއްބަސްވުމަކަށް އެމީހުން އަމަލުކުރާނީ އެމީހުންގެ މަސްލަހަތާ ގުޅުން ހުރި ކަންތައް އެކަންޏެވެ. ކީރިތި ރަސޫލާގެ ޒަމާނުގައި ވެސް ޔަހޫދީން ކަންތައްކުރީ އެ ގޮތަށެވެ. މިއަދު ވެސް އެ މީހުންގެ އަމަލުތައް ހުރީ އެ ގޮތަށެވެ. (ހަވީރު އެޑިޓޯރިއަލް)

މަޢުލޫމާތު ނެގީ:

http://www.noorul-islam.net/noorulislam_view.asp?noorulislamID=989&utm_source=twitterfeed&utm_medium=twitter

http://www.haveeru.com.mv/dhivehi/opinion/159133